Qazaqstan Respýblıkasy Aýyl sharýashylyǵy mınıstrliginiń buıryǵy  №19-1/277

2015 jylǵy 30 naýryz, Astana qalasy Sý resýrstaryn keshendi paıdalaný men qorǵaýdyń bas jáne basseındik shemalaryn jáne sý sharýashylyǵy balanstaryn ázirleý men bekitý qaǵıdalaryn bekitý týraly Qazaqstan Respýblıkasynyń 2003 jylǵy 9 shildedegi Sý kodeksiniń 37-baby 1-tarmaǵynyń 7-10) tarmaqshasyna sáıkes buıyramyn: 1. Qosa berilip otyrǵan Sý resýrstaryn keshendi paıdalaný men qorǵaýdyń bas jáne basseındik shemalaryn jáne sý sharýashylyǵy balanstaryn ázirleý men bekitý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalas­tyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aýyl sharýashylyǵy mınıstri A.MAMYTBEKOV «KELISILGEN» Qazaqstan Respýblıkasynyń Investısııalar jáne damý mınıstri ___________ Á.ISEKEShEV 2015 jylǵy 21 sáýir «KELISILGEN» Qazaqstan Respýblıkasynyń Ulttyq ekonomıka mınıstri ___________ E.DOSAEV 2015 jylǵy 27 mamyr «KELISILGEN» Qazaqstan Respýblıkasynyń Energetıka mınıstri ___________ V.ShKOLNIK 2015 jylǵy 8 sáýir Qazaqstan Respýblıkasy Aýyl sharýashylyǵy mınıstriniń 2015 jylǵy 30 naýryzdaǵy №19-1/277 buıryǵymen bekitilgen Sý resýrstaryn keshendi paıdalaný men qorǵaýdyń bas jáne basseındik shemalaryn jáne sý sharýashylyǵy teńgerimderin ázirleý jáne bekitý qaǵıdalary 1. Jalpy erejeler 1. Osy Sý resýrstaryn keshendi paıdalaný men qorǵaýdyń bas jáne basseındik shemalaryn jáne sý sharýashylyǵy teńgerimderin ázirleý jáne bekitý qaǵıdalary (budan ári – Qaǵıdalar) Qazaqstan Respýblıkasynyń 2003 jylǵy 9 shildedegi Sý kodeksiniń 37-baby 1-tarmaǵynyń 7-10) tarmaqshasyna sáıkes ázirlendi jáne Qazaqstan Respýblıkasynda sý resýrstaryn keshendi paıdalaný men qorǵaýdyń bas jáne basseındik shemalaryn jáne sý sharýashylyǵy teńgerimderin ázirleý jáne bekitý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) jedel sý sharýashylyǵy teńgerimi – sýdyń naqty bar-joǵyn jyl saıynǵy baǵalaý jáne sý tutynýshylardyń paıdalanýyna arnalǵan aǵymdaǵy jyldyń sýlylyǵyna qaraı sý resýrstaryn qaıta bólý. 2) perspektıvaly sý sharýashylyǵy teńgerimi – sý tutynýshylardyń paıdalanýyna arnalǵan sý obektileriniń perspektıvadaǵy sý resýrstary mólsheriniń boljamy; 3) sý qoryn paıdalaný jáne qorǵaý, sýmen jabdyqtaý, sý burý salasyndaǵy ýákiletti organ (budan ári – ýákiletti organ) – eldi mekender sheginen tys jerlerde sý qoryn paıdalaný jáne qorǵaý, sýmen jabdyqtaý, sý burý salasyndaǵy basqarý men baqylaý fýnksııalaryn júzege asyratyn memlekettik organ; 4) sý resýrstaryn keshendi paıdalaný men qorǵaýdyń bas shemasy (budan ári – bas SRKPQS) – halyqty jáne ekonomıka salalarynyń sýǵa perspektıvaly qajettilikterin qanaǵattandyrý, sondaı-aq sý resýrstaryn qorǵaý nemese olardyń zııandy áserlerin boldyrmaý úshin júzege asyrylýy tıis jalpy el boıynsha negizgi sý sharýashylyǵy jáne basqa da is-sharalardy aıqyndaıtyn qujat; 5) sý resýrstaryn keshendi paıdalaný men qorǵaýdyń basseındik shemasy (budan ári – basseındik SRKPQS) – jalpy sý obektisiniń basseıni nemese qaralatyn aýmaq boıynsha sý resýrstaryn utymdy paıdalaný men qorǵaýdy qamtamasyz etý maqsatyndaǵy is-sharalardy aıqyndaıtyn qujat; 6) ýákiletti organnyń vedomstvosy – sý qoryn paıdalaný jáne qorǵaý salasyndaǵy iske asyrý men baqylaý fýnksııalaryn óz quzyreti sheginde júzege asyratyn vedomstvo. 3. Bas jáne basseındik SRKPQS ázirleý uzaq merzimdi perspektıvaǵa ekonomıkalyq jáne áleýmettik mindetterdi sheshýge baǵyttalǵan baǵdarlamalyq qujattarǵa negizdeledi. 4. Bas jáne basseındik SRKPQS-da qaralatyn aýmaqtar men negizgi ózender basseınderi boıynsha sý resýrstarynyń sandyq kórsetkishteri kórsetiledi, sý obektileriniń ekologııalyq jáne sanıtarııalyq-epıdemıologııalyq jaı-kúıi eskerile otyryp, sý tutyný, sý burý lımıtteri belgilenedi. 5. Sý kórsetkishteri men sýǵa perspektıvaly qajettilikterdi baǵalaý sýdy memlekettik esepke alý, sý kadastry men sý obektileri monıtorınginiń derekteri negizinde júzege asyrylady. 6. Bas jáne basseındik SRKPQS-da orta merzimdi úsh jyldyq kezeńder kórsetkishteri bóline otyryp, keminde on bes jyldyq uzaq merzimdi kezeńge ázirlenedi. 7. Bas jáne basseındik SRKPQS-da josparlanǵan is-sharalar mynalarǵa baǵyttalýy tıis: 1) óndiris tehnologııasyn jetildirý negizinde sý resýrstaryn utymdy jáne únemdi paıdalaný; 2) az sýly jáne sýsyz prosesterdi paıdalaný; 3) sýarmaly júıelerdegi jáne sýmen jabdyqtaý júıelerindegi sý resýrstarynyń qaıtarymsyz ysyraptaryn qysqartý; 4) jergilikti sý resýrstaryn olardy retteý, ózen aǵystaryn basseınaralyq qaıta bólý, tazartylmaǵan aǵyndy sýlardy aǵyzý kólemderin qysqartý esebinen múmkindiginshe paıdalaný; 5) qalalardy, eldi mekenderdi, aýyl sharýashylyǵy jer-sýlary men basqa da obektilerdi sý basýdyń jáne sý tasýdyń aldyn alý. 8. Ýákiletti organ bas jáne basseındik SRKPQS-ny, sý sharýashylyǵy teńgerimderin ázirleýdi múddeli memlekettik organdardyń qatysýymen, ǵylymı jáne mamandandyrylǵan jobalaý uıymdaryn tarta otyryp, bıýdjet qarajaty esebinen ázirleıdi. 2. Sý resýrstaryn keshendi paıdalaný men qorǵaýdyń bas jáne basseındik shemalaryn jáne sý sharýashylyǵy teńgerimderin ázirleý jáne bekitý tártibi 1-paragraf. Sý resýrstaryn keshendi paıdalaný men qorǵaýdyń bas shemalaryn ázirleý men bekitý 9. Bas SRKPQS óńirdiń/basseınniń áleýmettik-ekonomıkalyq damýy boljamy men tabıǵı faktorlar tepe-teńdigin saqtaý eskerile otyryp, egjeı-tegjeıli zertteýler men tehnıkalyq-ekonomıkalyq derekter nusqalaryn salystyrý negizinde sý sharýashylyǵy problemalarynyń keshendi mindetterin sheshý maqsatynda ázirlenedi. 10. Bas SRKPQS jobasyn ýákiletti organ ázirleıdi jáne memlekettik josparlaý, ındýstrııalyq-ınnovasııalyq qyzmet, kólik jáne kommýnıkasııalar, memlekettik geologııalyq zerdeleý, jer qoınaýyn utymdy jáne keshendi paıdalaný, halyqtyń sanıtarııalyq-epıdemıologııalyq salamattylyǵy, óńirlik damý, jer resýrstaryn basqarý jáne qorshaǵan ortany qorǵaý salasyndaǵy ýákiletti organdardyń kelisimi boıynsha bekitedi. 11. Bas SRKPQS jobasy qajet bolǵan jaǵdaıda basqa da múddeli memlekettik organdarmen jáne uıymdarmen kelisiledi. 12. Ýákiletti organ bas SRKPQS jobasyn ol bekitilgenge deıin qoǵamdastyqtyń talqylaýyna shyǵarýdy qamtamasyz etedi. 13. Bas SRKPQS-ny ázirleý merzimi úsh jyldan aspaıdy. 14. Bas SRKPQS bekitilgennen keıin keminde ár úsh jyl saıyn naqtylaý jáne tolyqtyrý rásimderinen ótedi. 2-paragraf. Sý resýrstaryn keshendi paıdalaný men qorǵaýdyń basseındik shemalaryn ázirleý jáne bekitý 15. Basseındik sý sharýashylyǵy basqarmalary ýákiletti organnyń vedomstvosyna basseındik CPKPQC ázirleý jóninde usynystar beredi, olarda basseındik keńeske qatysýshylar men qoǵamdastyqtyń usynymdary kórsetiledi. 16. Basseındik SRKPQS jobasyn ýákiletti organnyń vedomstvosy ázirleıdi jáne baqylanatyn aýmaqtary qaralatyn basseınge jatatyn jergilikti atqarýshy organdardyń, memlekettik josparlaý, ındýstrııalyq-ınnovasııalyq qyzmet, kólik jáne kommýnıkasııalar, memlekettik geologııalyq zerdeleý, jer qoınaýyn utymdy jáne keshendi paıdalaný, halyqtyń sanıtarııalyq-epıdemıologııalyq salamattylyǵy, óńirlik damý, jer resýrstaryn basqarý jáne qorshaǵan ortany qorǵaý salasyndaǵy ýákiletti organdardyń aýmaqtyq bólimsheleriniń kelisimi boıynsha bekitedi. 17. Basseındik SRKPQS-ny ázirleý merzimi eki jyldan aspaıdy. 18. Basseındik SRKPQS bekitilgennen keıin keminde ár úsh jyl saıyn naqtylaý jáne tolyqtyrý rásimderinen ótedi. 19. Transshekaralyq sý obektilerine arnalǵan basseındik SRKPQS Qazaqstan Respýblıkasy qatysýshysy bolyp tabylatyn halyqaralyq sharttardyń talaptary eskerile otyryp ázirlenedi. 3-paragraf. Sý sharýashylyǵy teńgerimderin ázirleý jáne bekitý 20. Sý sharýashylyǵy teńgerimderi sý obektileri basseınderi, ekonomıkalyq aýdandar jáne jalpy respýblıka boıynsha sý resýrstarynyń bar-joǵyn jáne olardy paıdalaný múmkindikterin baǵalaý maqsatynda ázirlenedi. 21. Sý sharýashylyǵy teńgerimderi jedel jáne perspektıvaly bolyp bólinedi. 22. Sý obektileriniń basseınderi boıynsha jedel sý sharýashylyǵy teńgerimderin ár jyldyń qorytyndysy boıynsha basseındik sý sharýashylyǵy basqarmalary ázirleıdi jáne ýákiletti organnyń vedomstvasy olardyń jyldyq esepteri quramynda kelesi jyldyń sáýir aıynan keshiktirmeı qabyldaıdy. 23. Jalpy respýblıka boıynsha perspektıvaly sý sharýashylyǵy teńgerimi bas SRKPQS-nyń quramdas bóligi bolyp tabylady jáne onyń quramynda bekitiledi. 24. Jekelegen sý obektisi basseıninde qolaısyz ahýal qalyptasqan jaǵdaıda, ýákiletti organ sý tutynýshylar arasynda sý resýrstaryn qaıta bólý jáne jańa óndiristik kúshterdi ornalastyrý múmkindigin anyqtaý maqsatynda tıisti sý obektisi basseıni boıynsha perspektıvaly sý sharýashylyǵy teńgerimin ázirleý týraly sheshim qabyldaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 1 shildedegi Normatıvtik quqyqtyq kesimderdi memlekettik tirkeýdiń tizilimine №11524 bolyp engizildi.